José Ibarrola margolari eta eszenografoak diseinatutako erakusketa honetan Blas de Oteroren bilduma pribatutik hartutako hainbat irudi ikusiko ditugu. Hamaika argazki handiagotuek olerkariaren bizitzaren oinarrizko aroak erakutsiko dizkigute, Oteroren bizitzan ezinbestekoak izan ziren tokiak ezagutaraziz. Paneletan une bakoitzari buruzko olerkiak irakurtzeko aukera izango dugu, eta baita José Fernández de la Sota olerkariak egindako iruzkin bibliografiko txikien sailkapen bat ere.

Panelak kronologikoki ordenatuta daude. Bertan Bilboko argazkiak ez ezik (olerkariaren jaioterria), beste makina bat tokitakoak ere ikus daitezke, besteak beste, Orozko, idazlearen amaren familiaren herria, Madril, Bartzelona, Paris, Mosku, Kubako Santiago… eta hainbat eta hainbat olerkariaren bizitzan garrantzitsuak izan zirenak.

Argazkiez gain, ikustaldian badira erakusketa bibliografikoa, Bilbon zein Orozkon ibilbide literarioak egiteko materiala, eta ikus-entzunezko film baten proiekzioa, non biltzen diren olerkien eta horietan oinarritutako abestien Interneterako loturak. Erakusketa apirilaren 23an bukatuko da, San Jorge egunean, gure herrizko zaindari eta liburuaren nazioarteko egunean hain zuzen. Egun horretan ekitaldi bat egongo da, bertan Blas de Oteroren lanaren zuzeneko errezitaldia egingo da musikak lagunduta, eta bertaratutakoei Germán Yankeren “Blas de Otero con los ojos abiertos” lanaren ale bana banatuko zaie.

Erakusketa zabalik egongo da astelehenetik larunbatera, 10:00etatik 14:00etara eta 16:00etatik 21:00etara.