Ekimen honen bidez, epaimahaiko kideek (udal taldeetako ordezkariek, Jai Batzordeko kideek eta udalaren hainbat teknikarik osatuta) herritarron gustuen berri izatea nahi izan dugu, herriak erabakitakoa aintzat har dezaten Karmengo Jaietako kartela aukeratzeko botoa ematen dutenean.
           

 Serantes Kultur Aretoak beti bilatu izan du herritarron inplikazioa, eta oraingoan ere, proposamen honen bitartez, denon parte hartzea bultzatu nahi izan du, parte hartzea baita Santurtziko jaien ezaugarri garrantzitsuenetakoa, urtero gure herriko jaiak arrakastatsu egiten dituena. Horren adibide dira urtero-urtero jaietan dabilen koadrila andana, itsas prozesioko ontzietan joateko txartelen zozketaren arrakasta, jaietako jarduerak antolatzen dituzten elkarteen kopuru ikaragarria eta abar.
Serantes Kultur Aretoak lehiaketa honetan parte hartzera animatzen zaituzte gogoz zabiltzaten guztiok, sari ederra irabaz daiteke eta, 1.000 euroko sari nagusia eta 200 euroko bi accesit.        

Kartelak Serantes Kultur Aretoa Autonomiadun Erakundeko Erregistroan aurkeztu ahal izango dira ekainaren 5eko 14:00ak arte, horixe izango baita kartelak eramateko azken eguna.

Kartelen lehiaketaren oinarri osoak eskura daitezke www.serantes.com webgunean sartuz, presidencia@serantes.com helbide elektronikora mezua bidaliz, 94 420 58 50 telefono zenbakira deituz edo Serantes Kultur Aretoko bulegoetan eskatuz (Casa Torre Jauregia – Sabino Arana, 5). Hona hemen oinarriok.