Irisgarritasunaren arloan zentzu zabalenetik egiten diren hobekuntzekin jarraituz, Santurtziko Udala udalerriko semaforo guztiak egokitzen ari da, itsuen edo ikusmen-arazoak dituzten pertsonen joan-etorria errazteko asmoz.

Horrela, pertsonak berak izango duen aginte bat erabiliz, soinu-sistema bat aktibatuko da, errepidea segurtasun handiagoz gurutzatzen lagunduko diona. Orain arte, instalazio hori behar zuten 90 semaforoetatik 88 egokitu dira. Santurtzin 94 semaforo daude, baina semaforo bat baino gehiago duten bidegurutzetan horietako 4 daudenez, ez dago denak aktibatu beharrik zerbitzu egokia emateko.

Lan horiek datozen egunetan jarraituko dute, eta, baterako jarduera bukatzean, guztira 18.000 euro inbertituko dira. Itsuentzako sistema hori bazegoen ezarrita oinezkoentzako semaforo gehienetan, baina jarduera berri honi esker 33 PASBLUE sistema berri jarri dira eta birbanatu dira eremu eta bidegurutzeetan hobeto egokitzeko. Hortaz, semaforo guztiak lagungarriak izan daitezen, ia 50.000 eurokoa izan da udal kutxetarako inbertsioa.

Egokitzapena burutu ahal izateko, semaforoen kutxetan jardun behar izan dute, eragiketa erraz baten bidez, behar dutenei orientazio egokia emateko, autonomia hobetuz.