Santurtzik aste honetan “Euskararen Astea” ospatuko du, abenduan egingo den Euskararen Egunaren osagarria den programazioa eskainiz. “Euskararen egunean hainbat jarduera egiten dira eskola-zentroetan eta kalean, baina orain, maiatzean, programazioa zabalagoa da. Izan ere, publiko ororentzako jarduerak antolatu dira, herriko beste kolektibo batzuekin batera” adierazi du Aintzane Urkijo Santurtziko alkateak.

Horrela, maiatzaren 3tik 7ra zenbait jarduera egongo dira gure herriko kaleetan adin guztietako herritarrentzat, hala nola, hitzaldiak, tailerrak, antzezlan bat, bisita gidatuak eta kalejirak. Larunbatean, hilak, 7, programazio ludikoa egongo da umeentzat Gernika parkean: tailerrak, herri-kirolak eta abar.

Nabarmentzekoa da ospakizun honen antolakuntzan udalerriko zenbait kolektibo aritu direla, eta bereziki aipagarria da, herriko eskola-zentro eta guraso-elkarte gehienak elkarlanean aritu direla tailerrak antolatzen eta gidatzen.